Жол чыракка каршы өтүп кетсе 20 миң сом. Жол эрежесин бузган айдоочуларга айыптарды көбөйтүү сунушталды
Депутат Болот Ибрагимов жол эрежесин одоно бузгандарга айыптарды көбөйтүү жана кайталап эреже бузгандарды айдоочулук күбөлүктөн ажыратуу боюнча мыйзам долбоорун коомдук талкууга койду.
Сунушталган негизги өзгөртүүлөр:
жол чыракта кызыл күйүп турганда өтүп кеткендерге 20 миң сом айып жана 6 айга чейин айдоочулук күбөлүктөн ажыратуу
каршы тилкеге чыккандарга 15 миң сом айып жана 6 айга машина айдоо укугунан ажыратуу
уруксат берилген чектен ылдамдыкты 20–40 чакырым ашырып жибергендерге 5 миң сом айып
ылдамдыкты 60 чакырымдан ашык ашыргандарга 20 миң сом айып жана 6 айга айдоочулук укуктан ажыратуу
мамлекеттик номери жок же номерин атайын жашыргандарга 15 миң сом айып
мындай мыйзам бузуу 6 ай ичинде кайталанса, жарым жылга күбөлүктөн ажыратуу
жашы жете элек бала рулга отуруп, зыян келтирсе, ата-энесине 20 миң сом айып
балдарды ылайыкталган атайын отургучсуз ташыгандарга 2 миң сом айып
коопсуздук курун тагынбагандарга же мотошлем кийбегендерге 3 миң сом айып
Демилгечинин айтымында, өзгөртүүлөр жол кырсыктарын азайтууга жана айдоочулардын жоопкерчилигин күчөтүүгө багытталган.
