Улуттук гвардиянын Кубогу үчүн спорттук турнир башталды
2025-жылдын 15-июлунда КР Куралдуу Күчтөрүнүн Улуттук гвардиясынын аскер бөлүгүнүн базасында Улуттук гвардиянын Колбашчысынын Кубогуна арналган спорттук турнир башталды. Мелдеш волейбол, кичи-футбол, сууда сүзүү жана Макаров тапанчасынан ок атуу түрлөрү боюнча өтүүдө.
🎖 Турнир жыл сайын 20-июлда белгиленүүчү Улуттук гвардиянын түзүлгөн күнүнө карата өткөрүлүп келет. Бул иш-чара аскер кызматчыларынын ден соолугун чыңдоо, спорттук деңгээлдерин жогорулатуу, физикалык даярдыгын бекемдөө, ошондой эле тажрыйба алмашуу жана спорттук байланыштарды өнүктүрүү максатын көздөйт.
👥 Жалпысынан мелдешке 13 команда катышууда. Жеңүүчүлөр жана байге ээлери кубоктор жана ар кандай даражадагы дипломдор менен сыйланышат.
🏁 Турнир 18-июлда жыйынтыкталат.
