Мындан ары эмделбеген балдар мектепке кабыл алынбайт
Саламаттык сактоо министринин орун басары Лира Самыкбаева билдиргендей, ата-энелер балдарынын эмделгени жана медициналык кароодон өткөндүгү тууралуу маалымкатты 15-августтан кийин мектепке алып барышы зарыл.
Түз эфирде берилген суроого жооп берип жатып, министрдин орун басары: "Эмдөөдөн өтпөгөн балдар мектепке кабыл алынбайт. Бул өкмөттүн тиешелүү токтому менен бекитилген. Учурда бул медициналык маалымкаттарды автоматташтырылган түрдө алуу боюнча иштер жүрүп жатат", - деп айтты.
Демек, жаңы окуу жылына карата ата-энелер балдарынын эмдөөсү жана медициналык кароосу тууралуу күбөлүктү белгиленген мөөнөттө мектепке тапшыруулары шарт.
Посмотреть эту публикацию в Instagram
Автор
Редактор
14:07, 03-04-2025
