Мамкурулуш агенттиги министрлик болду. Президент кол койду
Президент Садыр Жапаров жарлыкка кол койду, ага ылайык аткаруу бийлигинин органдарынын ишинин натыйжалуулугун жогорулатуу максатында Кыргыз Республикасынын министрлер кабинетинин түзүмүнө айрым өзгөртүүлөр киргизилди.
Архитектура, курулуш жана турак-жай-коммуналдык чарба тармактарын натыйжалуу өнүктүрүүнүн маанилүүлүгүн эске алуу менен, алардын экономиканын башка тармактары менен өз ара байланышын эске алып, Кыргыз Республикасынын министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигинин базасында Кыргыз Республикасынын Курулуш, архитектура жана турак жай-коммуналдык чарба министрлигин түзүү чечими кабыл алынды.
Автор
Редактор
16:33, 11-02-2025
